“Lavrov İrəvana Qarabağla bağlı heç bir paket gətirmədi”

Dağlıq Qarabağ münaqişəsinin nizamlanması üzrə danışıqlara ciddi zərbə vurulub.

Ölkə.Az virtualaz.org-a istinadən xəbər verir ki, bunu bu gün Novosti Armeniya-ya açıqlamasında Ermənistanın xarici işlər naziri Edvard Nalbandyan deyib.

Onun sözlərinə görə, həmin zərbənin fəsadlarının aradan qaldırılması üçün həmsədrlər və beynəlxalq ictimaiyyət ciddi səy göstərməlidirlər.

“Rusiya Xarici İşlər Nazirliyinin başçısı İrəvana hansı paketlə gəlmişdi?” sualına cavabında isə E.Nalbandyan bildirib ki, belə bir paket mövcud deyil: “Siz artıq beşinci dəfədir ki, hansısa paket haqqında soruşursunuz. Lavrov belə bir paket gətirməyib. Bunu Lavrov özü də bəyan etdi. Heç nə uydurmaq lazım deyil”.