Səudiyyə kralı ilə Qatar əmiri Qəzzanı müzakirə ediblər

Ölkə.az Səudiyyə Ərəbistanının xəbər agentliyinə istinadən xəbər verir ki, İki müqəddəs məscidin xidmətçisi, kral Abdullah və Qatarın əmri Şeyx Tamim Hamad At -Tani çərşənbə axşamı Ciddədə görüşüblər. 

Görüşdə sionist ordusunun vəhşilikləri nəticəsində Qəzzada baş verən soyqırım müzakirə olunub.

Xatırladırıq ki, İsrailin Qəzzaya hücumları nəticəsində 15 gün ərzində 630 fələstinli dinc sakin öldürülüb. Öldürülənlərin çoxu uşaqlardır. 

Agentlik bildirir ki, iki ölkə arasındakı ikitərəfli əlaqələr də müzakirə edilib. Amma görüşün əsas hissəsi Fələstində baş verən hadisələr və axan qanın durdurulması ətrafında müzakirələrə həsr olunub.

Görüşdə Səudiyyə Ərəbistanının daxili işlər naziri Şahzadə Məhəmməd Naif bin Abdullaziz, Qatarın baş naziri və daxili işlər naziri Şeyx Abdullah bin Nasir, Şeyx Cavan bin Hamad bin Xəlifə ət -Tani Şeix Məhəmmed bin Hamad bin Xəlifə Al Tani, Qatar Əmirliyinin direktoru və Qatar Krallığının səfiri Şeyx Abdullah bin Zamer bin Mohammed Al Tani iştirak etmişlər.

Qeyd edək ki, Ərəb Liqası ölkələri bu dəfə də Qəzza məsələsində yekdil fikrə gələ bilmədilər. Aparıcı ərəb ölkələrindən sayılan Msir isə açıqdan-açığa İsrailin törətdiyi cinayətlərə haqq qazandıraraq bütün günahı fələstinlilərn üzərinə atdı.

Ölkə.az