Nazir köməkçisi əsir götürüldü

Ukraynanın şərqində, antiterror əməliyyatın keçirildiyi ərazidə qondarma Cənubi Osetiya respublikasının “müdafiə naziri”nin köməkçisi əsir götürülüb

“Aydar” batalyonunun döyüşçüləri separatçı  Cənubi Osetiyanın “müdafiə naziri”nin köməkçisi Tamerlan Yenaldiyevi əsir götürüblər.    

Məlumata görə, əsir götürülən silahlı döyüşlərdə iştirak etmədiyini, sadəcə, hərbi əməliyyatları seyr etməyə gəldiyini bildirib. Lakin Tamerlan Yenaldiyev saxlanılarkən, onun üzərində silah və separatçılar üçün nəzərdə tutulmuş külli miqdarda bahalı dərman aşkarlanıb.

“Aydar” batalyonunun komandiri Sergey Melniçuk Tamerlan Yenaldiyevi Rusiyada əsirlikdə saxlanılan ukraynalı təyyarəçi Nadejda Savçenko ilə dəyişmək niyyətində olduqlarını bildirib.(apa)

Olke.az