Təyyarədə həlak olanların ailəsinə kompensasiya ödəniləcək
Bu haqda “Malaysia Airlines” aviaşirkətinin vitse-prezidenti Xeyb Qorter bildirib
“Malaysia Airlines” aviaşirkəti Ukrayna üzərində uçan “Boeing 777” təyyarəsinin vurulması nəticəsində həlak olan sərnişinlərin qohumlarına ilkin kompensasiya kimi 5 min dollar odəyəcək.
Bu haqda “Malaysia Airlines” aviaşirkətinin vitse-prezidenti Xeyb Qorter bildirib.
"Hər bir sərnişin üçün qohumları ilkin kompensasiya kimi 5 min dollar alacaqlar", - deyə şirkətinin vitse-prezidenti deyib.
O bildirib ki, təyyarə 11 iyulda texniki xidməti keçib və faciə dəqiqəsinədək saz vəziyətdə olub.
Son məlumatlara görə, təyyarənin içində sərnişinlərin arasında Niderland vətəndaşları coxluq təşkil edib: 189 insan.
Malayziya -29, Avstraliya - 27, İndoneziya - 12 insan. Həmçinin təyyarədə Böyük Britaniyanın 9, Almaniyanın 4, Belçikanın 4, Filippinin 3, Kanada və Yeni Zelandiyanın isə 1 vətəndaşı olub. 4 insan tanınmamış qalır.
Olke.az
