"Mənim kürəkənim virus daşıyıcısıdır"
Fransanın keçmiş prezidentinin qayınanası bir neçə qaçqına öz evində sığınacaq verəcəyini bildirib.
Ölkə.Az xəbər verir ki, Nikola Sarkozinin qayınanası Mariza Bruni-Tedeski öz evində bir neçə qaçqına sığınacaq verəcək.
"Mən hazırda buna hazırlaşıram. Mənim Almaniyadakı yaxın bir dostum belə bir addımı atıb. Mən anlayıram ki, bu okeanda bir damladır, amma yenə də, axı niyə də olmasın?", deyə eks-prezidentin 86 yaşlı qayınanası "La Repubblica" qəzetinə verdiyi açıqlamasında bildirib.
Öz kürəkəni haqda danışan qayınana Nikolya Sarkozinin virus daşıyıcısı olduğunu deyib. Xanım Bruni-Tadeski bildirib ki, Nikolyada virus var. Bu virusun adı siyasətdir.
"Onun Yelisey sarayına qayıdıb-qayıtmayacağını isə deyə bilmərəm" - Sarkozinin qayınanası qəzetin müxbirinə belə deyib.
Xatırladırıq ki, Fransanın eks-prezidenti Nikolya Sarkozi əslən italiyalı olan model Karla Bruni ilə ailə həyatı qurub.
