İsraildən Türkiyəyə ağır ittiham

Liberman:"Türkiyə HAMAS-a danışıqlara getməyə imkan vermir"

İsrail xarici işlər naziri Aviqdor Liberman Türkiyə və Qətəri Misirin atəşkəs təklifini qəbul etməməsi üçün Hamasa təzyiq göstərməkdə günahlandırıb.

Olke.az "Haaretz" qəzetinə istinadən xəbər verir ki, Liberman Türkiyə və Qətərin keçən günlərdə Misirin irəli sürdüyü atəşkəs razılaşmasının qəbul edilməsinə mane olduğunu bildirib.

Libermanın İsraildə səfərdə olan Norveçli həmkarı Borge Brende ilə görüşündə "HAMAS Misirin təklifini qəbul etməyə razı idi. Ancaq misirliləri çətin vəziyyətə salmaq istəyən Qətər HAMASa bu təklifi rədd etməsini üçün tesir edib" deyə vurğulayıb.

"Haaretz" qəzetinin məlumatına görə Liberman bu məsələdə Türkiyə ilə Qətərin əlbir olduğunu deyib.

Xatırladırıq ki, Fələstin məsələsində Türkiyənin oynadığı barışdırıcı rolu bütün dünya birliyi həmişə yüksək qiymətləndirib.

Rəsmi İsrailin Türkiyənin əleyhinə belə bəyanat verməsi isə Yaxın Şərqdə onsuzda gərgin olan hərbi-siyasi vəziyyəti daha da gərginləşdirir.

Olke.az