Geylərin öldürülməsini tələb edən imam Avstraliyadan qovuldu

Xatib Fərrux Səkaləşfərin şəriət qanunlarına görə homoseksualların öldürülməli olduğunu söyləməsi Avstraliyadan qovulmasına səbəb olub

Ölkə.Az "BBC"yə istinadən xəbər verir ki, Şeyx Səkaləşfər Britaniyada doğulub, hazırda İranda yaşayır.

Avstraliyanın immiqrasiya məsələləri naziri özü şəxsən şeyxin vizasını ləğv edib.

Məlumatda qeyd edilir ki,şeyx Səkaləşfər Florida ştatında Orlanda şəhəri yaxınlığındakı məscidlərin birində homoseksuallıq mövzusuna həsr olunmuş xütbə oxuyub.

O, bildirib ki, İslam şəriət qanunlarına görə, homoseksuallığın cəzası ölümdür. Onun çıxışının bəzi məqamları sosial şəbəkələrdə xeyli izləyici toplayıb. Məsələyə aydınlıq gətirən şeyx bildirib ki, onun xütbələrinə Orlando qatili Ömər Mətinin gəlib-gəlməməsi məlum deyil.

İmam fikirlərinə görə vizasının ləğv edilməsini ədalətsizlik adlandırıb.

İlhamə
Ölkə.Az