İranda kürd terrorçularına qarşı əməliyyatlar davam edir
İranda SEPAH bölmələri və PJAK terrorçular arasında atışma baş verib
İranın Qərbi Azərbaycan əyalətinin Mahabad şəhəri yaxınlığında İslam İnqilabı Keşikçiləri Korpusu (SEPAH) əməkdaşları ilə terrorçular arasında atışma baş verib.
Ölkə.az İran KİV-lərinə istinadən xəbər verir ki, Sərvabad sərhəd bölgəsində baş verən atışma nəticəsində bir neçə PJAK terrorçusu öldürülüb. Hazırda bölgədə təmizləmə əməliyyatı davam etdirilir.
Qeyd edək ki, ötən həftə SEPAH bölmələri və kürd terrorçuları arasında Qərbi Azərbaycan əyalətinin Üşnəviyyə bölgəsində baş verən atışmada 12 terrorçu daha məhv edilmişdi.
