Brexit baş nazirin ailəsinə ixtilaf saldı

Britaniyanın Avropa İttifaqından çıxmasına dair referendum keçirildikdən sonra ölkənin baş naziri Devid Kameronun ailə üzvləri arasında ixtilaf baş verib.

Ölkə.Az “The Daily Telegraph” qəzetinə istinadən xəbər verir ki, belə ki, Kameronun baldızı Emili Şeffeld yeznəsinin hakim olduğu Mühafizəkarlar Partiyasından ayrılıb Leyboristlər Partiyasına yazılacağını bildirib. 

Qeyd edək ki, birinci ledi Samanta Kameronun bacısı "Vogue" jurnalının redaktor müavinidir.

İndi xanım Şeffeld adamları Britaniyanın Avropa İttifaqından çıxmasına start verəcək 50-ci maddənin imzalanması əleyhinə petisiyanı imzalamağa çağırır.

Baş nazirin baldızı bu qərarı Kameronun istefa bəyanatından əvvəl verib.

Ölkə.Ax