Yerevanda silahlılar polis binasını ələ keçiriblər
Binanın azad edilməsi məqsədilə hadisə yerinə əlavə qoşun göndərilib.
Ermənistan Milli Təhlükəsizlik Xidməti bu gün səhər Yerevanda Ermənistan Polisinin Patrul-mühafizə polkuna hücum olduğu və polkun ərazisində girovlar olduğu barədə məlumat yayıb.
Hücum edənlər sosial şəbəkələr vasitəsi ilə qiyam qalxdığı barədə məlumat yayırlar.
Ermənistan Milli Təhlükəsizlik Xidməti əhalini bu məlumatlara inanmamağa çağırıb. Məlumatda silahlı şəxslərin silahları dinc yolla təhvil verməsi üçün danışıqlar aparıldığı bildirilib.
***
Ermənistanın paytaxtında bir qrup silahlı şəxs polis idarəsinə hücum edib.
Onlar yük maşınları ilə darvazaları qıraraq əraziyə daxil olublar.
Hadisə nəticəsində azı 1 nəfər ölüb, daha bir neçə nəfər isə yaralanıb. Polis idarəsinə hökumət qüvvələri yeridilib. Yaxın saatlarda məsələ ilə bağlı rəsmi bəyanat veriləcəyi gözlənilir. (qafqazinfo)
