Fətullah Gülən \"edam edildi\"
Türkiyədə Atatürk Hava Limanına toplaşan bir qrup insan hərbi çevrilişə cəhdi təşkil etməkdə əsas şübhəli kimi adı hallandırılan Fətullah Gülənin maketini asıblar.
Ölkə.Az "İhlas"agentliyinə istinadən xəbər verir ki, Güləni “asan” vətəndaşlar daha sonra onu yerdə sürüyüblər.
Qeyd edək ki, iyulun 15-də Türkiyədə hərbi çevrilişə cəhd olub.
Hadisə nəticəsində ümumilikdə 265 nəfər həlak olub. Çevrilişə cəhddən sonra açıqlama verən Türkiyə prezidenti Rəcəb Tayyib Ərdoğan bu cəhdin konkret olaraq Fətullah Gülən və ona yaxın dairələr tərəfindən təşkil edildiyini bəyan edib. O, ABŞ rəhbərliyinə müraciət edərək Gülənin Türkiyəyə ekstradisiyasını tələb edib.
