\"15 dəqiqə geciksəydim, məni öldürəcəkdilər\"

Ölkə.Az Türkiyə mətbuatına istinadən xəbər verir ki, Türkiyə prezidenti Rəcəb Tayyib Ərdoğan CNN telekanalına müsahibəsində maraqlı açıqlamalar verib.

Dövlət başçısı söyləyib ki, dincəldiyi oteldən 15 dəqiqə gec çıxması onun ölümü ilə nəticələnə bilərdi.

Hadisələrdən anbaan xəbərim var idi. Təyyarədən əmrlər verirdim. Atatürk hava limanının nəzarət qülləsini ələ keçirmişdilər. Pilot daha 3-4 saat havada qala biləcəyimizi söylədi. İstanbul Polis İdarəsinə qiyamçıları yatırmaq əmrini verdim.

CNN müxbirinin edam cəzasının bərpası ilə bağlı sualını dövlət başçısı belə cavablandırıb.

"Əgər Türkiyə Böyük Millət Məclisi belə bir qərar versə, mən buna razılıq verəcəm. Fətullah Gülənin bu günə qədər silahsız bilinən tərəfdarlarının əslində silahlı böyük bir terrorçu qüvvə olduğunu hər kəs görmüş oldu. ABŞ prezidentinə bu günə qədər dəfələrlə şifahi şəkildə müraciət olunub. İndi isə Gülənin ölkəyə təhvil verilməsi üçün rəsmi tələb irəli sürüləcək",- deyə prezient vurğulayıb.

İlhamə
Ölkə.Az