Almaniyada qatarda baş verən terror aktında İŞİD-in əli var

Ölkə.Az Rusiya KİV-lərinə istinadən xəbər verir ki, dünən axşam Almaniyada sərnişin qatarında baş vermiş terror aktına görə məsuliyyəti İŞİD təşkilatı öz üzərinə götürüb.

Bu barədə İŞİD-ə yaxın olan Amaq agentliyi məlumat verib. Xəbər verildiyi kimi, dünən axşam Almaniyada sərnişin qatarında silahlı insident baş verib.

17 yaşlı əfqan gənc balta və bıçaqla sərnişinlərə xəsarət yetirib. 4 nəfər ağır yaralanıb. Polislər gənci atəş açaraq dayandırmalı olublar.

Son zamanlar İŞİD təşkilatı müxtəlif sosial şəbəkələr vasitəsi ilə insanları "xaç yürüşünə çıxanların ölkələrində islam uğrunda cihada" çağıran bəyanatlar yayır.

İlhamə
Ölkə.Az