Türkiyə hökumətinin fövqəladə vəziyyət haqqında

Türkiyə hökumətinin “Fövqəladə vəziyyət rejimi çərçivəsində görülən tədbirlər haqqında” qərarı açıqlandı

Ölkə.Az xəbər verir ki, Türkiyə hökumətinin “Fövqəladə vəziyyət rejimi çərçivəsində görülən tədbirlər haqqında” qərarı rəsmi mətbuatda dərc edilib.

Qərara əsasən, fövqəladə vəziyyət qüvvədə olduğu dövr ərzində göz altında saxlama müddəti 30 gündən artıq olmayacaq. Saxlanılan şəxsin məhkəməyə gətirilməsi bu müddətə daxil edilmir.

Dövlət təhlükəsizliyinə təhdid doğuran terror təşkilatları və ya strukturlara, birlik və qruplaşmalara aidiyyatı olan şəxslər tutduqları vəzifədən azad ediləcək və bir daha dövlət qulluğuna qəbul edilməyəcəklər.

Türkiyə prezidenti Rəcəb Tayip Ərdoğan fövqəladə vəziyyətin bu demokratiyaya, vətəndaşların hüquq və azadlığına xələl gətirməyəcəyini bildirib.

İlhamə
Ölkə.Az