\"Türkiyə bütün şərtlərə əməl etsə də, Aİ-yə üzv ola bilməyəcək\"

Ölkə.Az Türkiyə mediasına istinadən xəbər verir ki, Almaniya baş nazirinin köməkçisi və Sosial Demokratlar Partiyasının lideri Sigmar Qabriel ölkənin dövlət telekanalı ilə çıxışı zamanı Türkiyə barəsində açıqlamalar verib.

O, bildirib ki, Türkiyə Avropa İttifaqı tərəfindən irəli sürülən bütün şərtlərə əməl etsə belə, yaxın 10-20 ilə ərzində İttifaqa üzv ola bilməyəcək. Onun fikrincə, müzakirələr davam etdirilməlidir.

"İndiki şəraitdə Türkiyə ilə hər cür dialoq kanalını açıq tutmaq məcburiyyətindəyik. Avropa İttifaqı bu dəqiqə elə vəziyyətdədir ki, hətta ən kiçik dövləti belə qəbul edə bilməz. Türkiyə edam cəzasını bərpa edərsə, bu, insan haqlarına zidd bir qərar olacaq və müzakirələri davam etdirmənin mənası qalmayacaq. Mənim fikrimcə, Türkiyənin Avropa İttifaqına daxil olmaq şansı yoxdur", - deyə Qabriel vurğulayıb.

Watch video!

İlhamə
Ölkə.Az