Yəməndə husilər yeni hökumət qurdu

Yəməndə minlərlə insan yeni hökuməti dəstəkləmək üçün küçələrə axışıb.

Ölkə.Az "Anadolu" agentliyinə istinadən xəbər verir ki, Yəməndə üsyançı husilər Yüksək Siyasi Şura formalaşdırıblar. Onlar bu qurumun ölkədə hökumətə alternativ olduğunu bəyan ediblər.

On minlərlə insan Sana şəhərindəki Təhrir meydanına toplaşaraq yeni formalaşmış hökuməti dəstəklədiklərini ifadə ediblər.

"Biz yeni hökumətin yaradılması üzərində işləyirik, yaxın günlərdə milli barışığa nail olacağıq",- deyə Şuranın rəhbəri Saleh əs-Səməd mitinqdə çıxışı zamanı bildirib.

İlhamə
Ölkə.Az