Rusların dəniz piyada qoşunları Hələbə yerləşdirildi

Ölkə.Az Ren.TV-yə istinadən xəbər verir ki, bir sıra ərəb KİV-ləri rusların dəniz piyada qoşunlarının Hələbə yerləşdirilməsi barədə informasiya dərc ediblər.

Rusiyanın quru qoşunları Hələbdə Suriya ordusuna şəhərin müdafiəsində dəstək göstərəcək, hökumət qoşunlarının hərəkətini kordinsiyasının yaxşılaşdırılmasına kömək edəcək.

"Gulf News" qəzeti isə yazıb ki, Rusiya tərəfi quru qoşunlarının Hələbə yerləşdirilməsi barədə artıq BMTyə məlumat verib.

Suriyanın Əl-Masdar qəzeti də Hələbdəki hərbi mənbəyə istinadən rus zirehli texnikasından ibarət karvanın "Kastello" şosesi ilə şəhərin qərb hissəsində hərəkət etdiyini təsdiq edib. Əl- Masdarın məlumatına görə, Rusiya dəniz piyada qoşunları artıq Hələbə yerləşdirilib.

İŞİD-i təbliğ edən KİV-lər və Qərbin mətbuat orqanları son zamanlar Hələbdə terrorçuların nəzarətində olan məhəllələrin hər gün dəqiq və intensiv aviazərbələrə məruz qaldığını yazırlar.

İlhamə
Ölkə.Az