ABŞ Türkiyəni yarı yolda buraxdı

İŞİD-in hücumu zamanı ABŞ aviasiyası türk ordusuna dəstək verməyib.

Ölkə.Az xəbər verir ki, dünən Cerablusda İŞİD Türk Silahlı Qüvvələrinə (TSQ) və Azad Suriya Ordusuna (ASO) hücum edərkən ABŞ söz verdiyi halda döyüş təyyarələrini göndərməyib və müttəfiqlərini təhlükəyə atıb.

Belə ki, ASO Türkiyə sərhədindəki Cerablus şəhərinin qərb hissəindəki ərazini İŞİD-dən təmizləmək məqsədi ilə əməliyyatları davam etdirir. Əməliyyat zamanı dünən Külliyə kəndinə girən ASO və onların arxasınca gələn TSQ zirehli texnikası İŞİD-in raket hücumuna məruz qalıb Hücum nəticəsində 3 əsgər yaralanıb.

Türklərə məxsus bir tank raketlə vurulub. İŞİD raket zərbələri ilə eyni anda ağır çaplı silahlardan da atəş açmağa başlayıb.

Türk silahlı qüvvələri İncirlik hərbi bazasındakı kolaisiya qüvvələrindən təcili kömək istəyib. Türkiyə-ABŞ arasında imzalanmış müqaviləyə görə qeyd şərtsiz verilməli olan hərbi dəstək müxtəlif bəhanələrlə 1 saat gecikdirilib.Buna görə Türkiyə öz hərbi təyyarələrini köməyə göndərməli olub.

Yalnız 3 saat sonra havaya qalxan Amerika təyyarələri boş ərzini bombalayaraq bazaya geri dönüblər. Çünki onların vurduğu hədəflər daha öncə türk təyyarələri tərəfindən məhv edilmişdi.

Hadisələrə şahidlik edən ASO mənbəsi bildirib : Əməliyyat zamanı Amerika təcili dəstək söz versə də sözünün üstündə durmadı. Döyüşdə yaralananlar oldu. Böyük itkilər verə bilərdik. Amerikalıların dəstək verməsi döyüş planının bir hissəsiydi.Yəni bunu etməyə məcbur idilər. Lakin bizi yarı yolda buraxdılar Havadan müdaxilə gecikdi. Son anda türk təyyraələri köməyə gəldi", deyə bildirib.

İlhamə
Ölkə.Az