Tacikistan OMON-un keçmiş komandiri İŞİD-in müdafiə naziri oldu

Ölkə.Az İtarTass agentliyinə istinadən xəbər verir ki, Tacikistan OMON-un keçmiş komandiri, Gülmurod Həlimov İŞİD terror təşkilatının müdafiə naziri təyin edilib.

Həlimov terrorçular arasında Əl-Taciki adı ilə tanınınır. O, bu postda Əbu Umar əş -Şişanini (Tarxan Batiraşvili) əvəz edəcək. Bu barədə İraqın Naynava əyalətindəki təhlükəsizlik xidmətinin əməkdaşı məlumat verirb.

"Tacik Gülmurad Həlimov İŞİD-in müdafiə naziri seçilib. Bu barədə rəsmi məlumat verilmir, çünki İŞİD onun aviazərbələrə məruz qalmasını istəmir. İŞİD rəhbərlərinin çoxusu Suriyadadır, yalnız bir neçə lider Naynava əyalətindədir.

Onlar gizli həyat keçirir, nadir hallarda kütlə arasına çıxırlar",- deyə agentliyin müsahibi bildirib.

İyul ayında İŞİD Əş-Şişaninin öldürüldüyünü təsdiq etdi. Terrorçu Amerika hərbi qüvvələrinin hava zərbələri nəticəsində öldürülüb.

İlhamə
Ölkə.Az