Papa 1998-ci ildə Fəthullah Güleni gizli kardinal təyin edib

İzmir dairə prokurorluğunda xüsisi işlər işlər üzrə prokuror Zəfər Durun hazırladığı 56 səhifəlik ittihamnamə Ağır Cinayətlər Məhkəməsində qəbul edilib.

FETÖ-nün maliyyə qaynaqları ilə bağlı hazırlanan ittiham aktında Fətullah Gülenin illər öncə Vatikanda Roma Papası II İohan Pavellə görüşdüyü və onun Türkiyəyə gizli kardinal kimi təyin edildiyi bildirilir.

Ölkə.Az "HaberTürk"ə istinadən xəbər verir ki, Zəfər Durun hazırladığı ittihamnamədə FETÖ-nün Türkiyə Silahlı Qüvvələrində 22 mindən çox üzvünün olması, onlardan 150 nəfərinin general olduğu qeyd edilir.

Zəfər Dur iddia edir ki, Fəthullah Gülən 9 fevral 1998-ci ildə Vatikanda Roma Papası II İohan Pavellə görüşüb. Roma Papası II İohan Pavel bu görüşdən 12 gün sonra 20 kardinal təyin edib.

"Bu şəxslərin kimlikləri isə qaydalara uyğun olaraq açıqlanmayıb. Seçilən gizli kardinallardan birinin Fətullah Gülən olması iddiasının üzərində xüsusi dayanmaq lazımdır. Fəthullah Gülənin Ədirnədə fəaliyyət göstərdiyi vaxtlarda kilsəyə yazdığı məktublar, onun “gizli kardinal” olması ilə bağlı kitab yazan müəlliflərin təqib edilməsi də nəzərə alınmalıdır",- deyə ittihamnamədə bildirilir.

İlhamə
Ölkə.Az