Türkiyəyə sığınmış 1700 qaçqın Cerablusa qayıtdı

İŞİD işğalından azad edilmiş Cerablus şəhərinə qayıdan suriyalı qaçqınların sayı 1700 nəfərə çatıb.

Ölkə.Az "Anadolu" agentliyinə istinadən xəbər verir ki, 6 il ərzində davam edən müharibə nəticəsində Türkiyəyə sığınmış suriyalı qaçqınlar Qaziantep şəhər Administrasiyasına müraciət edərək vətənlərinə qayıtmaq istədiklərini bildiriblər.

Yerli Miqrasiya İdarəsindən müvafiq icazə alındıqdan sonra qeydiyyat proseduru aparılıb.

Əksəriyyəti qadın və uşaqlar olan qaçqınlar Karkamış sərhəd buraxılış məntəqəsindən keçərək Cerablusa göndəriliblər.

İlhamə
Ölkə.Az