Suriya ordusu humanitar yardım konvoyunu bombaladı
Suriya ordusuna aid hərbi helikopterlər Hələbə doğru hərəkət edən BMT-nin və Beynəlxalq Qızıl Aypara Cəmiyyətinin humanitar konvoyunu atəşə tutublar.
Ölkə.Az xəbər verir ki, hücum nəticəsində karvanı müşayiət edənlərdən iki nəfər ölüb, 20 yük maşını isə yükü ilə birlikdə yanıb.
Xatırladırıq ki, Suriyanın mühasirədə olan Hələb şəhəri üçün nəzərdə tutulan 36 yük maşınından ibarət humanitar yardım karvanı bir neçə gündür Əsəd ordusu tərəfindən əraziyə buraxılmırdı.
Konvoya hücum bütün dünyada geniş əks-səda doğurub və BMT artıq Suriya rejimini bu hərəkətinə görə sərt tənqid edib.
