\"G20 ölkələri BMT Təhlükəsizlik Şurasına üzv qəbul olunsunlar\"

Türkiyə prezidenti BMT TŞ-nın strukturunun dəyişdirilməsini təklif edib.

Ölkə.Az xəbər verir ki, Ərdoğan dünyanın 5 dövlətin diqtəsi ilə oturub-durmasının yolverilməz olduğunu bildirərək, bu Ali Şurada dünyanın bütün qitələrindən olan ölkələrin təmsil olunmasının vacibliyini qeyd edib.

"Özünüz düşünün - 3 Avropa ölkəsi, 1 Asiya və Avropa ölkəsi, cəmi 5 ölkə bütün dünya dövlətlərinə öz şərtlərini diqtə edirlər. Bəs geridə qalan ölkələr necə olsun? Biz təklif edirik ki, BMT TŞ-na 20 inkişaf etmiş ölkə daxil olsun və rəhbərlik növbəli əsasda seçilsin. Belə olan halda dünyanın digər bölgələrinin də maraqları təmin olunmuş olar", - deyə Ərdoğan BMT tribunasından çıxışı zamanı dünya liderlərinə təklifini irəli sürüb.

Ölkə.Az