Anton Çexovun məktubu satıldı

Anton Çexovun 23 yaşında yazdığı məktub auksionda 3.6 milyon rus rubluna satılıb. Məktubu yazdığı dövrdə Çexovun ilk kitabı hələ çap edilməmişdi.

Ölkə.Az xəbər verir ki, məktub Anton tərəfindən ailə dostu Qavril Kravsova ünvanlanıb.

Məktubda o, bir neçə psevdonimindən bəhs edir. Qiymətli sənət əsərinin start qiyməti 2.1 milyon rubl olsa da, 3.6 milyona satılıb.

Kolleksionerlər eyni zamanda Çexovun "Melpomenin nağılları. Altı nağıl" adlı ilk kitabı ilə də maraqlanıblar. 1884-cü ildə nəşr edilən kitab A.Çexonte psevonimi ilə çapa göndərilib.

Bu kitabın start qiyməti 600 min rubl olsa da bir kolleksioner tərəfindən 1.8 milyon rubl ödənilərək əldə edilib. Auksionda Çexovun imzası ilə olan bir neçə nəşr də satılıb. Yazıçının A.Çexonte psevdonimi ilə çap edilən "Cürbəcür hekayələr" kitabı da 1.7 milyon rubla satılıb.

Hikmət
Ölkə.Az