Estoniyanın ilk qadın prezidenti

Estoniya Parlamentinin deputatları prezident seçiblər.

Ölkə.Az məlumat verir ki, eston deputatlar tərəfindən Kersti Kalyulayd bu posta seçilib.

Kalyulaydın namizədliyi 81 deputat tərəfindən irəli sürülüb. 17 bülleten doldurulmamış qalıb. Dövlət rəhbərinin seçkilərində 101 millət vəkilindən 98-i iştirak edib.

Namizədin qələbə qazanması üçün parlamentdə oturan deputatların 68-nin səsi lazım olub. Əldə edilən məlumata görə, Kalyulayd lehinə 90 deputat səs verib. Estoniya konservativ xalq partiyasının 7 deputatı isə onun əleyhinə səs verib.

Estoniyada prezident seçkiləri avqust ayından keçirilir. Avqustun sonunda parlament prezident seçə bilmədi. Çünki namizədlərdən heç biri tələb olunan seçici sayını qazana bilməmişdi. Belə bir vəziyyətdə Riyqikoqu deputatları və bələdiyyə şuraları nümayəndələrindən təşkil edilən qurum yaradıldı. Amma 24 sentyabrda baş tutan toplantıda da ölkə prezidentinin seçkisi alınmadı. Bu səbəbdən ölkə parlamentində təkrar seçki təyin edildi və bugün baş tutan seçkidə Kersti qalib gəldi.

Kersti Kalyulayd Tartus universitetinin biologiya fakultəsi məzunudur. Dövlət və özəl şirkətlərdə müəyyən vəzifələr tutub. 2011-ci ildən Avropa hesablama palatasında Tallini təmsil edir.

Hikmət
Ölkə.Az