Pakistanın Hindistandakı səfiri münasibətləri normallaşdırmaq üçün dialoq təklif etdi

Pakistanın Hindistandakı səfiri Əbdül Basit korlanmış münasibətləri bərpa etmək üçün tərəfləri dialoq masasına oturmağa dəvət edib.

Ölkə.Az xəbər verir ki, sentyabrın 29-u Kəşmir əyalətində baş verən insidentdən sonra Hindistan və Pakistan arasında münasibətlər korlanmışdı.

Bu hadisələr zamanı Hindistan tərəfi antiterror əməliyyatı həyata keçirdiyini, Pakistan ərazisində yerləşən terrorçu bazalarına zərbələr endirdiyini bəyan etmişdi. Pakistan tərəfi isə, sərhəd xəttində atışma olduğunu, iki pakisanlı hərbçinin öldüyünü bildirmişdi. Hadisə Kəşmirdə yerləşən Hindistan hərbi hissəsinə hücumdan iki həftə sonra baş verib. Hindistan hərbi hissəsinə hücum zamanı 19 nəfər həlak olmuşdu.

Səfirin sözlərinə görə, hər iki tərəf bir-birini ittiham etmək yerinə, diplomatik görüşlər keçirməli, münasibətləri normallaşdırmalıdılar. Hər iki tərəfə ciddi və uzunmüddətli dialoq lazımdır.

Hikmət
Ölkə.Az