İŞİD-lə müharibədə ilk ABŞ əsgəri öldü

ABŞ-ın İŞİD-lə mübarizədə verdiyi ilk qurban.

Ölkə.Az ABŞ mətbuatına istinadən xəbər verir ki, Pentaqon rəsmi olaraq İraqda "İŞİD" terror təşkilatı ilə müharibədə ilk amerikan əsgərinin həlak olması xəbərini yayıb.

Ölən əsgərin 19 yaşında olduğu bildirilir. Kaliforniya ştatının Riversayd şəhərindən olan əsgərin hələlik qeyri-müəyyən səbəblərdən öldüyü deyilir. Lakin məlumatda o da qeyd olunur ki, əsgər qeyri-döyüş şəraitində həlak olub. Məsələ ilə bağlı araşdırmalara başlanılıb.

Xatırladaq ki, Barak Obama İraqda 300 hərbi müşavirin yerləşdirilməsi və iki operativ mərkəzin yaradılması barədə əmr imzalayıb.

Rəşid Mustafazadə

Ölkə.Az