Şahzadə xoruzlara görə 3 illik həbs cəzası aldı

Rumıniya şahzadəsi ABŞ-da qanunsuz fəaliyyətə görə cəzalandırıldı.

Ölkə.Az xəbər verir ki, Rumıniyanın sonuncu kralının qızı, daha çox İrina Krüger kimi tanınan, İrina Uolker və onun həyat yoldaşı Con Uesli Uolker şərti olalar 3 il həbs və 200 min dollarlıq cərimə alıblar. Bunun səbəbi isə çox maraqlı və qeyri-adidir. Belə ki, hər iki şəxs xoruz döyüşlərinin təşkil edilməsində ittiham olunublar.

Ər və arvad 2013-cü ilin avqustunda qadağan edilmiş xoruz döyüşlərinin təşkil edilməsi ittihamı ilə Oreqon ştatında, Morrou rançosunda saxlanılıblar. Materiallarda göstərilir ki, Uolkerlər döyüşlərə tamaşa etmək istəyənlərdən adambaşı 20 dollar, iştirakçı xoruzların sahiblərindən isə 1000 dollar vəsait alıblar.

60 yaşlı rumıniyalı şahzadə özünü təqsirkar hesab edib və gunahı boynuna alıb.

Rəşid Mustafazadə

Ölkə.Az