Rusiyada sərnişin avtobusu qəzaya uğrayıb
Rusiyanın Saratov vilayətinin Tatişevsk rayonunda yol qəzası baş verib.
Ölkə.Az Report-a istinadən xəbər verir ki, hadisə Karyakin kəndinin 5 kilometrliyində qeydə alınıb.
Belə ki, sərnişin avtobusunun aşması nəticəsində 16 nəfər xəsarət alıb. Onlardan biri onurğa sınığıyla xəstəxanaya yerləşdirilib. 5 nəfərin vəziyyəti isə ağırdır.
“Qəza zamanı 16 nəfər xəsarət alıb. Onların əksəriyyətində yüngül kəsiklər və zədələr var” – deyə fövqəladə xidmətlərdəki mənbə agentliyə bildirib. Onun sözlərinə görə, avtobusun sərnişinlərindən biri Özbəkistan vətəndaşıdır.
Hadisə zamanı nəqliyyat vasitəsində ümumilikdə 24 sərnişin olub.