Obama: "Biz Ukraynaya Krımı qaytarmaqda kömək edəcəyik"

ABŞ prezidenti Barak Obama Ukraynaya Krımı qaytaracağı sözünü verdi.

Ölkə.az ABŞ mediasına istinadən xəbər verir ki, ABŞ prezidentinin administrasiyası Ukraynada keçirilən seçkilər barədə bəyanat yayıb.

Bəyanatda Ukrayna xalqı Barak Obamanın adından təbrik olunur və Vaşinqton Ali radaya keçirilmiş seçkilərin demokratik və ədalətli olduğunu bildirir.

"ABŞ bundan sonra da Ukraynanın müstəqilliyini, severenliyini və ərazi bütövlüyünü dəstəkləməkdə davam edəcək. Donbasdakı konfliktin tənzimlənməsində və Krımın Ukraynaya qaytarılmasında Kiyevə lazım olan bütün dəstək veriləcək", ABŞ administrasiyasının Obamanın adından yaydığı bəyanatda belə deyilir.

Xatırladırıq ki, Ali radaya keçirilmiş seçkilərdə birinci yeri baş nazir Arseniy Yaçenyukun rəhbərlik etdiyi "Xalq cəbhəsi" (22,01%), ikinci yeri prezident Pyotr Poroşenkonun siyasi bloku (21,64%) tutub. Keçmiş baş nazir Yuliya Timoşenkonun rəhbərlik etdiyi "Bıtkovşina" isə 5,69% səslə altıncı yeri tutub.

Ölkə.az