Ukraynada koalisiya yaradılır

Ukrayna parlamentinə seçkilərdə ən çox səs toplayan qərbyönümlü partiyalar koalisiya danışıqlarına başlayıblar. Yeni hökumətin qarşısında duran vəzifə ölkənin şərqindəki separatçıları sakitləşdirməkdir.

Ukrayna prezidenti Pyotr Poroşenkonun blokundan Yuri Lutsenko bildirib ki, danışıqlara artıq başlanılıb.

Xatırladaq ki, oktyabrın 26-da keçirilən seçkidə Ukrayna prezidenti Petro Poroşenkonun bloku 21,5%, baş nazir Arseniy Yatsenyukun "Xalq Cəbhəsi" partiyası isə 21,9% səs toplayıb. Avropaya meylli "Samopomiç" ("Özünəyardım") partiyası 11%-lə 3-cü yeri tutub. Kreml yönümlü "Müxalifət bloku" 10%, populist radikal partiya 7%-dən bir qədər artıq, sabiq baş nazir Yuliya Timoşenkonun "Batkivşina" partiyası isə 5-6% səs toplayıb. 4% səs toplayan millətçi "Svoboda" partiyası isə parlamentdə yer tutmaq üçün 5%-lik həddi keçə bilməyib. (anspress)

Ölkə.Az