Moskva məhkəməsi "Şakro Molodoy"un həbs müddətini uzatdı
Moskvanın Tver məhkəməsi Zaxariya Kalaşovun həbs müddətini 15 dekabr tarixinə qədər uzadıb.
Ölkə.Az xəbər verir ki, kriminal aləmdə Şakro Molodoy ləqəbi ilə məşhur olan qanuni oğrunun həbs müddəti uzadılıb.
Məhkəmə zamanı müstəntiq cinayətdə şübhəli bilinən bütün şəxslərin həbs müddətini uzatmağı xahiş edib. Onun fikrinə görə, şübhəlilər çox ciddi cinayət törətməkdə ittiham edilirlər və onların sərbəstliyə buraxılması təhlükəlidir. Azadlığa çıxan cinayətkarlar istintaqdan və məhkəmədən gizlənə bilərlər.
Bir müddət əvvəl Zaxariya Kalaşovun vəkili Aleksandr Qofşteyn iddiaları rədd etmişdi. Cinayət aləmində Şakro Molodoy kimi tanınan qanuni oğru Rusiya kriminal aləmində fırlanan bütün pullara nəzarət etdiyi üçün həbs edilib.
Hikmət
Ölkə.Az
