Avropa İttifaqı Türkiyəni sanksiyalarla hədələdi
Avropa Parlamentinin sədri Martin Şults Türkiyəni hədələyib.
Ölkə.Az xəbər verir ki, Avropanın siyasi strukturları kürd partiyasının sədri və deputatlarının həbsinə görə Ankaraya hədə-qorxu gəliblər.
Avropa Parlamentinin sədri Martin Şults verdiyi mətbuat konfransında Türkiyə hökumətinin kürd deputatları həbs etməsinin yolverilməz olduğunu bildirib.
"Ankaranın bu hərəkətlərinə qarşı Avropa İttifaqı hansı iqtisadi sanksiyalara əl atacağını müəyyən etməlidir", - deyə Şults bildirib.
Xatırladırıq ki, bir neçə həftə əvvəl PKK terror təşkilatına dəstək və yardım göstərdiyi üçün kürd partiyası HDP-nin sədri Səlahəddin Dəmirtaş və bu partiyanın bir neçə deputatı həbs ediliblər.
