Bu ölkədə FETÖ-çü müəllimlərə vaxt verildi
“Pakistanda FETÖ-yə məxsus 23 məktəbdə fəaliyyət göstərən 108 müəllimə ailə üzvləri ilə birlikdə noyabrın 20-nə qədər ölkəni tərk etmələri üçün vaxt verilib”.
Bu barədə Pakistan Daxili işlər naziri Çodri Nisar Əli Xan telekanallardan birində çıxışı zamanı bildirib.
Onun sözlərinə görə, həmin şəxslərin sayı ailə üzvləri ilə birlikdə 400 nəfərə yaxındır.
Qeyd edək ki, Pakistandakı FETÖ məktəbləri “PakTurk” adı altında fəaliyyət göstərir.
“PakTurk”un rəsmi saytında yerləşdirilən məlumatda Pakistan hökumətinin bu bəyanatı təsdiqlənib.
Türkiyə prezidenti Rəcəb Tayyyib Ərdoğan noyabrın 16-da Pakistana rəsmi səfər edəcək. Onun səfəri çərçivəsində bütün bu məktəblərin təhvil verilməsi gözlənilir. (qafqazinfo)
