İrəvanda "Şərq əməkdaşlığı" təşkilatına üzv olan dövlətlərin qeyri-rəsmi görüşü keçiriləcək

İrəvanda "Şərq əməkdaşlığı" təşkilatına üzv olan dövlətlərin xarici işlər nazirlərinin qeyri-rəsmi görüşü keçiriləcək.

Ölkə.Az xəbər verir ki, sabaha planlaşdırılan tədbir sayca səkkizincidir.

Görüşdə eyni zamanda Aİ genişləndirmə məsələləri və qonşuluq siyasəti üzrə komissarı Yohannes Han, Avropanın xarici siyasət fəaliyyəti xidmətinin baş katibi Jan-Kristof Beyyad kimi nümayəndələr də iştirak edəcək. Görüşün nəticəsinə uyğun olaraq nümayəndələrin rəhbərləri müştərək bəyanatla çıxış edəcək.

"Şərq əməkdaşlığı" ölkələrinin elm və texnologiya nazirləri tədqiqat və innovasiya məsələləri üzrə diskussiyalar aparacaq.

İrəvana təşrif buyuran deleqasiya rəhbərlərini prezident Serj Sarkisyan qəbul edəcək.

Qeyd edək ki, Ermənistan Aİ "Şərq əməkdaşlığı" proqramında 2008-ci ildən iştirak edir.

Hikmət
Ölkə.Az