Sərkisyan: "Ermənistanın yeni rus hərbi bazasına ehtiyacı yoxdur"

Ermənistan prezidenti bəyan edib ki, ölkə ərazisində yeni rus hərbi bazasının yaradılmasına ehtiyac yoxdur.

Ölkə.Az xəbər verir ki, Sərkisyanın fikrinə görə, hərbi baza tələb edilən bütün elementləri özünə cəlbetmə imkanına sahibdir. Bu səbəbdən kiçik Ermənistana bir hərbi baza kifayət edər. Sadəcə bu bazaya hərbi gücünü vermək lazımdır.

Sərkisyan eyni zamanda "İskəndər" hərbi raket kompleksinin Ermənistan ərazisində yerləşdirilməsinə aydınlıq gətirib. O, bildirib ki, "İskəndər" kompleksinin yerləşdirilməsi regionda stabilliyi saxlamaq üçün nəzərdə tutulub.

Ermənistan prezidenti bildirib: "Düşünürəm ki, bölgədə hərbi vəziyyəti balanslaşdırmaq üçün hansısa vasitədən istifadə etmək lazımdır. Sirr deyil ki, Azrbaycan son bir neçə ildə müntəzəm olaraq ən müasir silahlara yiyələnib. Bizim Azərbaycan kimi maliyyə imkanlarımız yoxdur. Amma vəziyyəti balanslaşdırmaq üçün yollar axtarırıq. Ümid edirəm ki, "İskəndər" raket kompleksi bu vəziyyətdə balans üçün yaxşı vasitədir".

Bununla yanaşı Sərkisyan silahlanma yarışını pis vəziyyət adlandırıb.

Qeyd edək ki, "İskəndər" raket kompleksi İrəvanda 21 sentyabr hərbi paradında nümayiş etdirilsə də, bəzi mətbuat orqanları bunun sadəcə əzələ nümayişi olduğunu, raketlərin saxta olduğunu yazmışdı.

Hikmət
Ölkə.Az