Türkiyə prezidenti Özbəkistana səfər edib

Türkiyə prezidenti Ərdoğan Pakistandakı səfərini başa vurub Özbəkistanın paytaxtı Daşkəndə rəsmi səfərə gedib

Ölkə.Az xəbər verir ki, prezident Daşkənd hava limanında Özbəkistanın daxili işlər naziri Əbdüləziz Kamilov, Türkiyənin Daşkənddəki səfiri Namık Güner Erpul və digər rəsmi şəxslər qarşılayıb.

Prezidenti həyat yoldaşı Emine Erdoğan və rəsmi dövlət nümayəndələri müşayiət edib.

Ərdoğan Özbəkistan prezidentinin səlahiyyətlərini müvəqqəti icra edən baş nazir Şövkət Mirziyayevlə görüşüb. Türkiyə prezidenti "Uzun bir fasilədən sonra Özbəkistana gəldiyim üçün məmnunluq hiss edirəm. Çində keçirilən "G20" Zirvə toplantısında iştirak etdiyim üçün mərhum İslam Kərimovun dəfninə qatıla bilmədim. Bu gün mərhumun qəbrini ziyarət etdim. Kərimova rəhmət diləyib, özbək xalqına başın sağ olsun deyirəm".

Mirziyayevlə görüşdə Ərdoğan iki ölkə arasında münasibətləri hər sahədə inkişaf etdirmək üçün çalışmaq lazım olduğunu bildirib.

Prezident Özbəkistanın siyasi sabitliyini və iqtisadi inkişafını davam etdirəcəyinə inanıb. Eyni zamanda 4 dekabr prezident seçkilərində özbək xalqına uğur arzulayıb.

Ərdoğan Özbəkistanın birinci prezidenti İslam Kərimovun qəbrini ziyarət edib.

Hikmət
Ölkə.Az