Almaniyada qaçqınlara qarşı divar hörülür
Münxendə yerli əhali qaçqınların səs-küyündən narahat olduqları üçün Berlin Divarına bənzəyən bir divar inşa edir.
Ölkə.Az xəbər verir ki, Berlin Divarından 40 sm hündür olan bu divar sərt reaksiyalara səbəb olub.
Münxenin Neuperlach Süd rayonunda yerləşən qaçqın düşərgəsindən 25 metr uzaqlıqda inşa edilən divarın uzunluğu 100 metr, hündürlüyü isə 4 metrdir.
160 nəfərlik düşərgədə əsasən gənc qaçqınlar məskunlaşıb. Yerli əhali ərizə ilə müraciət edərək düşərgə ilə məhəllə arasında bir divarın tikilməsini tələb etmişdi. Bu divar sərt reaksiyalara səbəb olub.
Adıgedən rayonun dövlət rəsmisi Guido Bucholtz divarın lazımsız olduğunu, ilk dəfə bu xəbərdən diksindiyini bildirib.
Hikmət
