Hindistanda qatar qəzası nəticəsində ölənlərin sayı 116 nəfərə çatıb

Hindistanın şimalında sərnişin qatarının relsdən çıxaraq aşması nəticəsində ölənlərin sayı 116 nəfərə çatıb. Xilasedicilər qaranlığın düşməsinə baxmayaraq xilasetmə işlərini davam etdirirlər.

 

Qəza nəticəsində təqribən 200 nəfər xəsarət alıb.

 

Xilasedicilər ölən və yaralananların sayının artacağını ehtimal edirlər. Çünki onlar qatarın relsdən çıxan bəzi vaqonlarının içərisinə hələ ki, daxil ola bilməyiblər.

 

İndor – Patna marşrutu üzrə hərəkət edən 14 vaqondan ibarət sərnişin qatarı şimal ştatı Uttar-Pradeşdə relsdən çıxıb. (report)