Rusiya ilə Abxaziya arasındakı hərbi müqavilə qanunsuzdur
ABŞ-ın Dövlət Departamenti Rusiya ilə separatçı Abxaziya rejimi arasında bağlanmış hərbi müqavilə ilə bağlı bəyanat yayıb.
Ölkə.Az xəbər verir ki, Departamentin sözçüsü Con Kirbi verdiyi brifinqdə Putinin də təsdiq etdiyi bu müqaviləni qanunsuz adlandırıb.
Müqaviləyə əsasən Rusiyanın Abxaziyadakı qüvvələri ilə separatçı rejimin qanunsuz silahlı birləşmələri arasında "Birləşmiş silahlı qüvvələr" yaradılması nəzərdə tutulur.
"ABŞ Rusiya tərəfindən ratifikasiya edilən bu müqaviləni tanımır və onu qanunsuz hesab edir. Belə ki, Abxaziya de-fakto Gürcüstanın ərazisidir və Rusiyanın buradakı hərbi varlığı beynəlxalq hüquqa ziddir", deyə Kirbi vurğulayıb.
