İsrail prezidenti azan oxunmasına qarşı müzakirələrə qatıldı

İsrail prezidenti Rivlin azan oxunmasına bəzi məhdudiyyətlər nəzərdə tutan qanun layihəsinə qarşı çıxıb.

Ölkə.Az xəbər verir ki, Qərbi Qüdsdə müsəlman din xadimləri ilə görüşən prezident azanın səsyüksəldicilərlə oxunmasını qadağan edən qanun layihəsinə qarşı olduğunu və buna ehtiyac olmadığını bildirib.

Rivlin bildirib ki, bu qanun layihəsinin təqdim edilməməsi üçün lazım olan adamlarla görüşəcək. Prezident qeyd edib ki, İsrail dini etiqad və ibadət sərbəstliyinə hörmət edən bir dövlətdir və bu ölkədə yaşayan azlıqların dini inancına sayqı duymaq lazımdır.

Səs-küyə səbəb olduğu iddiası ilə məscidlərdə mikrofonla azan oxunmasını qadağan edən qanun layihəsi İsrail məclisində 3 fəqli komissiyada səsverməyə çıxarılmalıdır. İslam dünyasının böyük etirazına səbəb olan qanun layihəsi daha əvvəllər də gündəmi zəbt etsə də, məclisdə səsverməyə çıxarılmamışdı. Bu dəfə İsrail qanun komissiyasından keçən layihə səsvermə üçün milli məclisə təqdim edilə bilər.

İsrailin baş naziri Binyamin Netanyahu da bu qanun layihəsini dəstəkləyənlərdəndir.

Hikmət
Ölkə.Az