Daha bir futbolçu qəzadan sağ çıxdı
Kolumbiyalı xilasedicilər Medelina şəhərinin yaxınlığında baş vermiş təyyarə qəzasının yerində daha bir sağ insanı çıxarıblar.
Qəzada sağ qalmış 6-cı sərnişinin futbolçu Eliu Netu olduğu bildirilir.
Qeyd edək ki, 72 sərnişin və 9 ekipaj üzvü ilə Boliviyadan havaya qalxan təyyarə Medelinada qəzaya uğrayıb. Təyyarənin göyərtəsində Braziliyanın “Şapekoense” futbol komandasının 27 oyunçusu və jurnalistlər olub.
Kolumbiya hökuməti ümumilikdə, 75 nəfərin qəzanın qurbanı olduğunu bəyan edib.
