Binəli Yıldırım: Rusiya ilə viza rejiminin ləğvi Türkiyənin prioritet mövzusudur

 

Ölkə.Az xəbər verir ki, bu barədə Türkiyənin baş naziri Binəli Yıldırım Ankarada aeroportda Rusiyaya səfərə gedərkən bildirib. O, bildirib ki, hazırda bu barədə danışıqlar aparılr:

 

“Biz bu barədə Rusiyanın baş naziri Dmitri Medvedyev və Rusiya prezidenti Vladimir Putin ilə müzakirələr aparacağıq. Daha sonra bu barədə Kazaxıstan rəhbərliyi ilə danışıqlar aparılacaq”.

O, həmçinin bildirib ki, ötən il Rusiya qırıcısının vurulmasından sonra Türkiyə və Rusiya arasındakı gərginləşən münasibətlər artıq qaydasına düşür.

 

“Biz gərginləşən münasibətləri qaydasına salmışıq. Artıq Rusiya da Türkiyə istehsalı olan məhsulları idxal edir. Lakin hələ də ortada müəyyən anlaşılmazlıqlar var. Gömrükdə müəyyən problemlər var. Biz görüşdə həmin məsələləri müzakirə edəcəyik”, - deyə Binəli Yıldırım vurğulayıb.