Türkiyədə güclü partlayış, 38 ölü, 166 yaralı
Türkiyənin daxili işlər naziri Süleyman Soylu dekabrın 10-da axşam saatlarında İstanbulun mərkəzində törədilən terror aktı nəticəsində həlak olanların sayının 38-ə çatdığını bildirib.
***
Hadisə nəticəsində 27-si polis olmaqla 29 nəfər həlak olub, 166 nəfər yaralanıb. Bu barədə Türkiyə DİN rəhbəri Süleyman Soylu bildirib.
***
Türkiyə mətbuatının yazdığına görə, Vodafone Arena stadionunda polis maşını partladılıb.
Ölkə.Az xəbər verir ki, partlayış nəticəsində 20 polis yaralanıb. Hadisə Beşiktaş-Bursaspor oyunundan sonra baş verib. Naməlum şəxslər polis olan avtomobilə hücum edib.
***
Türkiyənin İstanbul şəhərində Vodafone Arena stadionunun yaxınlığında partayış baş verib.
Ölkə.Az xəbər verir ki, partlayış nəticəsində yaralananlar olub. Hadisə yerinə xeyli sayda təcili tibbi yardım və yanğınsöndürən maşınlarının cəlb olunduğu bildirilir.
Polis havaya atəş açıb. Stadion İstanbulun Beşiktaş bölgəsində yerləşir.
Ölən və xəsarət alanlar barədə məlumat verilmir.
Ziya Səccad
