ABŞ-Çin münasibətlərində yeni gərginlik

Donald Tramp bir neçə gün əvvəl Tayvanın lideri ilə telefonla danışmışdı.

Ölkə.Az xəbər verir ki, bu telefon danışığından sonra diplomatik böhran yaranmışdı və Tramp məsələ ilə bağlı "Çinin kimlə danışıb-danışmayacağımı diqtə etməsini istəmirəm" dedi. Rəsmi Pekin bu bəyanata cavab verir. Çin rəsmiləri Trampın dediklərindən ciddi narahat olduqlarını bildiriblər.

Televiziyaya müsahibə verən yeni prezident bildirib ki, seçkilərdən sonra Tayvan prezidenti Tsay İnq-venlə telefon danışığını müdafiə edərək, ABŞ-ın "Tək Çin" siyasətinə sadiq olmaq məcburiyyətində olmadığını bildirib.

Trampın bu sözlərindən sonra Çinin cavabı özünü çox gözlətmədi. Rəsmi Pekin ABŞ-ın yeni prezidentinin sözlərindən ciddi narahat olduqlarını bildirdi. Əgər "Tək Çin" siyasəti pozulsa, Çin-ABŞ münasibətlərinin sabit formada inkişafından və iki tərəfli iş birliyindən söhbət belə gedə bilməz.

Hikmət
Ölkə.Az