Hələbdə savaş cinayətlərində İran izi

Suriyanın şərqi Hələb bölgəsində qətliamın qarşısının alınmamasında və atəşkəsin sabotaj edilməsində terrorçulara rəhbərlik edən iranlı general Seyid Cavadın xüsusi rolub olub.

Ölkə.Az xəbər verir ki, Hələbin şərqində təşkil edilən rejim qüvvələrinin hücumunun özəyi 3 il bundan əvvəl ərazidə məskunlaşan rejim tərəfdarı xarici terrorçu qruplar təşkil edir.

Livan və İraqın Hizbullah, Əfqanıstanın Fatimiyun briqadası, İraqın Nücəba hərəkatı və Bakır briqadalarına məxsus 7 min terrorçu Hələbin yerli əhalisinə qarşı zorakılıq tətbiq edib.

Ağır silah və pilotsuz uçan aparatlara malik qruplaşma mülki əhali və döyüşçülər arasında fərq qoymadan hücuma keçir. Bu qruplaşmanın lideri isə iranlı general Cavaddır.

Cavad və terrorçular Hələbdə dar bir sahəyə sıxışdırılan yüz minlərlə mülki əhalinin və döyüşçü ailələrinin təxliyyəsinə əngəl olaraq bir çox insanın ölümünə səbəb olublar.

Terrorçular bu gün günorta saatlarında təxliyə üçün nəzərdə tutulmuş altıncı maşın karvanındakı 800 nəfəri əsir götürüblər.

Hikmət
Ölkə.Az