Gənc kürdlər İŞİD-ə qoşuldu

200-dən çox kürd İŞİD terror qruplaşmasına qoşulub.

Bu barədə Kürdüstan Bölgəsi Təhlükəsizlik Agentliyinin müşaviri Məsrur Bərzani Londonda nəşr olunan "Şark-ul Awsat" qəzetinə açıqlamasında bildirib:

"Əldə edilən məlumatlar göstərir ki, 200 kürd gənci İŞİD-ə qoşulub. Bunlardan bir qismi döyüşlərdə öldürülüb. Bunlar öz vətəninə, xalqına və dinlərinə xəyanət edir. İŞİD-ə qoşulanlar yollarını itirmiş şəxslərdir. Bəzilərini təqib edirik. Ayrıca, gəncləri təşkilatın təhlükələrinə qarşı məlumatlandıraraq, İŞİD-ə qoşulmasını əngəlləyirik".

Peşmərgə güclərinin böyük ruh yüksəlliyi ilə İŞİD-ə qarşı vuruşduğunu deyən Bərzani qeyd edib ki, Türkiyədən İŞİD-lə mübarizə aparmaq üçün daha çox kömək gözləyirlər: 

"Türkiyə ilə əlaqələrimiz çox normaldır. Heç bir problemimiz yoxdur. Kürdüstanın bir qonşusu olaraq Türkiyə, siyasi, iqtisadi və təhlükəsizlik sahəsində daha aktiv olmalıdır". (anspress)

Ölkə.Az