Aşura gününü keçirənlər güllələndi

Səudiyyə Ərəbistanda 5 nəfər şiə müsəlmanı qətlə yetirilib.

Ölkə.Az TASS agentliyinə istinadən xəbər verir ki, Səudiyyə Ərəbistanın şərqində yerləşən ed-Dalyava yaşayış məskənində keçirilən aşura mərasimində hücum nəticəsində 5 nəfər ölüb, 9 nəfər yaralanıb. Hücum noyabrın 3-ü, gecə yarısına yarım saat qalmış həyata keçirilib.

Polisin verdiyi məlumata əsasən, üç nəfər maskalı naməlum şəxs avtomobildən düşərək Aşura mərasimini keçirən yerli sakinlərə atəş açıb. Hüquq-mühafizə orqanları hadisəni araşdırırlar.

Qeyd edək ki, Səudiyyə Ərəbistan əhalisinin 10 faizini şiələr təşkil edir.

Rəşid Mustafazadə

Ölkə.Az