Hadisə şahidi futbolçu dəhşətli terrordan danışdı

İstanbulun Ortaköy səmtində baş verən terror hadisəsi zamanı futbolçu Sefa Boydaş da klubda olub.

Ölkə.Az xəbər verir ki, futbolçu terror hücumu zamanı başına gələnləri “BBC TÜRK” kanalına danışıb.

Sefa Boydaş deyib: “İnsanlar sağa-sola qaçışırdılar. Bir çox insanın ürəyi getmişdi. Mən məkana sevgilimlə getmişdim və onun da dəhşətli hadisədən ürəyi getmişdi. Onu çiynimə alıb qaçdım. Klubda elə bir vaxt idi ki, adam çox idi. İçəridə çoxlu müştəri var idi”.

Boydaş belə bir məkanda və klubda terror hadisəsinin ola biləcəyini ağlına gətirmədiyini qeyd edib: “Hücumdan həmən sonra məkandan heç kəs çıxa bilmədi. Polislər çox tez gəldi və hər kəsi nəzarətə götürdülər. Danışa bilənlərin ifadəsi alındı”.

Hikmət
Ölkə.Az