MKİ direktorundan bəyanat

"Kiber hücumlara görə, hesabat Rusiyanın hərəkətlərinə əsasən hazırlanacaq".

Ölkə.Az xəbər verir ki, MKİ-nin direktoru Con Brennan bu bəyanatla çıxış edib.

Brennan deyib: "Bizə məlumdur ki, bir çox ölkə bu işlə məşğul olur. Amma sözügedən hesabat məhz Rusiyanın fəaliyyətinə görə hazırlanacaq".

Con sənədin detalları barədə məlumat verməkdən imtina edib. Amma bildirib ki, sözügedən hesabat nəinki prezident Barak Obamaya, eyni zamanda, 20 yanvar tarixində səlahiyyətləri təhvil alacaq olan Donald Trampa da təqdim ediləcək.

Hesabatı görməyib onun reallığı əks etdirdiyinə şübhə edənlərə isə Brenan təklif edib ki, gözləmək lazımdır:

"Hər şey üzə çıxacaq. Sənəd artıq hazırlığın final mərhələsindədir".

Hikmət
Ölkə.Az